Ontgroening en Skuil Kamera Programme

March 5, 2008 at 3:54 pm (life)

Ek voel dat ek tog maar iets moet se oor die Reitz insident.

Ontgroening is maar altyd ‘n twis punt, ek is een van daai mense wat dit nie sou kon verwerk het nie en is dankbaar dat ek dit vrygespring het in my lewe.  Toe ek in Standerd vyf na ‘n nuwe skool toe is het niemand my geken nie en omdat ek heelwat ouer gelyk het as wat ek was het die “ontgroenings groep” gedink ek is ‘n nuwe leerling in std 7 of 8 so hulle het my uitgelos, teen die tyd dat hulle agter gekom het ek was ‘n nuweling was die tydperk van ontgroening verby.  Die skool was redelik streng oor wat toelaatbaar was en daar is net ‘n sekere tyd daaraan toegestaan en net sekere seniors is toegelaat om deel te neem, dit was darem nie ‘n “free for all” nie. 

 Een seun in my klas, ‘n groot lomp kind met rooi hare, sproete en ‘n bril het regtig swaar gekry en ek het hom baie jammer gekry, dit was net wreed.

 Nadat ek verskeie stories gehoor het oor ontgroening op universiteit was dit een van die dinge op my teen lys en het ook daartoe bygedra (in ‘n klein mate) dat ek nie verder gaan leer het nie.

Dan verpes ek programme soos Af, Jack Ass en Leon Shuster skuil kamera tipe van flieks en programme, ek sal dit net onder dwang kyk en dan sit en werk ek liewer my volgende plak boek uitleg of wat ookal in my kop uit.  Ek is jammer maar ‘n mens lag nie vir ‘n ander een se verleentheid nie, en nog minder skep jy daai verleentheid vir jouself en ander om oor te lag, dit is net hoe ek daaroor voel.

Nou ek verstaan die protes punt van hierdie seuns en om verskillende kultuur groepe teen mekaar op te dwing is maar net moeilikheid soek.  Dis net so goed ons verwag nou dat laerskool kinders en ou mense moet saamwoon, dis reg vir sosiale interaksies maar vir saam bly, nee ou mense beweeg teen ‘n stadiger pas en kinders hol, dit sal nie werk nie. (Ek bedoel dit baie breedvoerig, ek weet daar is baie gevalle wat ouer mense en kinders goed saam bly, dit is ‘n voorbeeld wat ek kan verstaan en ek wou graag iets gebruik wat nie oor kleur grense sou gaan nie.)

Fok ek is net 40 en die buurmense se woelige kinders, wat ek nooit sien nie want hulle is anderkant ‘n hoe muur, irriteer my party dae grensloos.  Ek wens daar was woonbuurte wat’n mens in kon bly waar daar nie kinders en honde was nie, ek sal verkies om tussen ander mense soos myself te woon. 

Maar die manier wat die seuns gekies het om hulleself uit te druk is onaanvaarbaar op elke vlak.  Wat het skoon makers in elk geval met ontgroening te doen? En daai vrouens sou nooit kon verstaan het wat nou eintlik die groot grap agter dit was nie. Nee, dis verkeerd en ek hoop ons jong mense se obsessie met hierdie onsmaaklike vorm van vermaak sal nou ook die aandag kry wat dit verdien.

Wat my net hartseer maak is dat so iets die internasionale nuus kanale en koerante maak (asof die wereld nog nie genoeg stokke het om Afrikaaners mee te slaan nie) maar dat die moord, doodslag, verkragtings en ander geweld van Suid Afrika net bree dekking kry indien enige, wat van Razelle, Sheldean? En daai lys is baie lank.  Om nie eens te praat van die sottery in die politiek nie.  Ek sal myself maar uit politieke gesprekke hou, so kom ons verander die onderwerp, dink iemand regtig die Bulle kan die pyp rook in die Super 14 hierdie jaar?

Nou ja op daai nooit groet ek.  Mooi bly tot ‘n ander keer.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: