Maart Maand en my nuwe musiek….

March 24, 2008 at 12:12 pm (life, Music)

Ek het lank laas iets gegriffel, dis nie dat ek nie iets het om te se nie, ek het altyd, baie.  Maar daar gaan dae verby wat ek glad nie op die internet of in my blok kan in kom nie, die alewige gesukkel met die internet maatskappye en Telecom maak my lam, sal nie se waar nie.

En dan as ek ‘n halwe kans kry om in te kom dan wil ek graag my plakboek goeters oplaai en deel.

Maar vandag wil ek gesels oor Maart, die maand, en nee nie die een waar Paas Fees my agter my kop kom klap het soos ‘n oorhoekse brander nie. Daar is die gesegde dat October die mooiste mooiste maand is, in blomme prag stry ek glad nie daaroor nie, veral as mens in Pretoria of Tsumeb bly, ook Windhoek is daardie tyd van die jaar asemrowend.  Maar die weer is mislik en die sonbessies begin skree, nou ek haat wind net ‘n bietjie minder as wat ek sonbessies haat en een wat in my huis in verdwaal is op ‘n selfmoord missie.  Maar hulle is vieslike goed, hulle dien geen doel anders as die geraas nie, lelike parasiete wat veral teer op uitheemse bome en daar is geen dier wat hulle wil vreet nie, nie wat ek nog gesien het nie.

Maar Maart is vir my ‘n lieflike maand, die sonbessies het lankal verkas en die ander sommer goggas raak ook still, die swaeltjies draai met hulle pragtige gechirp in die lug rond.  As dit die jaar mooi gereen het is die lug mooi skoon van stof en met die seisoene wat draai is die lig ook sagter.  Die weer is koeler en die wind is aangenaam.  Reen is geneig om meer stormagtig te wees maar daar is iets omtrent reen in Maart wat spesiaal is.  Ek hou ook van die gelyke dae, daardie kort dae in die middel van die winter en die elle langes in Desember gooi my binne horlosie uit en ek raak ‘n bietjie om gealley, depressie is my maatjie en hy loop altyd saam en hier in die winter klim hy somer op en ry dan op my rug tot Maart bietjie verligting bring.

Ek het ‘n paar CD’s gekoop die laaste dae, het Melanie Lowe se Unspoken Truth gekry, man sy het ‘n pragtige stem en ek hou daarvan dat sy nie uitverkoop het aan kommersialisme nie, pratige liedjies veral Colour Me Blue.  Verder het ek gekrap in die supermark se mandjie, het vir Ge Korsten nader getrek, sy stem was maar net fantasties en die musiek klink nie oud of iets nie, het dit baie geniet. Het ook ‘n Roger Whittaker album gekry, ek hou tog van hom,  en een van Andre Schwartz waarna ek nog moet luister, ek ken nie die liedjies daarop nie maar ek hou altyd van musiek wat vir my nuut is.  veral goeie Afrikaans, oud of nuut maak nie saak nie, ek weet ek het baie gemis in die jare wat ek nie eintlik blootstelling aan Afrikaans gehad het nie en ek prober so bietjie inhaal.

En dan moet ek iets kwytraak oor die Rugby, ek kon maar net nie geboei raak deur hierdie naweke se wedstryde nie, ek dink darem nie die Cheetahs het te sleg gevaar nie, oor die bulle sal ek liewer niks se nie, die Stormers doen regtig goed.  Die Leeus wedstryd het in die tweede helfte lewe gekry en dit het ek tog geniet.  Ek wonder net party dae oor die kommentators nie soveel wat hulle se nie, ek geniet die verskillende uitkyke en kommentare en veral die Australianse ouens vind ek baie snaaks.  Maar die wat hulle altyd probeer om ‘n wedstryd meer opwindend en interesanter te laat klink as wat dit is….man vervelig is vervelig is vervelig….

 Dis so die middel van die Super 14rond en ek weet dat dinge in so lang toernooi maar begin deurhang so ek weet daar kom beter dae.

Nou ja dis eers genoeg, mooi bly tot later.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: